.png)
2 weeks ago
3
ARTICLE AD BOX
شائع 15 اپريل 2026 01:58pm
امریکی صدر ڈونلڈ ٹرمپ نے دو دن کے اندر اسلام آباد میں ایران کے ساتھ مذاکرات کے نئے دور کا دعویٰ کیا ہے۔ تاہم وزیراعظم پاکستان شہباز شریف کی مصروفیات کے باعث ایسا ہونا ممکن نظر نہیں آرہا۔
گزشتہ مذاکراتی دور کے بے نتیجہ خاتمے کے بعد پاکستان نے ایک بار پھر امریکا اور ایران کے درمیان مذاکرات کی میزبانی کی پیشکش کی ہے کیونکہ ایرانی حکام اسلام آباد میں بات چیت کے لیے خود کو زیادہ پُرسکون اور محفوظ محسوس کرتے ہیں۔
امریکی صدر ڈونلڈ ٹرمپ نے بھی اپنی ٹیم کو اسلام آباد میں ایرانی وفد سے ملاقات کی ہدایت کر دی ہے، جس سے ان مذاکرات کی بحالی کے حوالے سے مثبت اشارے مل رہے ہیں۔
اگرچہ صدر ٹرمپ کا خیال ہے کہ یہ مذاکرات اگلے دو دنوں کے اندر ہو سکتے ہیں، لیکن ایسا ہونا مشکل نظر آتا ہے۔
اس کی بڑی وجہ وزیراعظم شہباز شریف کی بیرونِ ملک مصروفیات ہیں۔
وزیراعظم بدھ کو سعودی عرب کے سرکاری دورے پر روانہ ہوئے ہیں اور ان کی واپسی 18 اپریل کو متوقع ہے۔
وزیراعظم شہباز شریف اپنے اس اہم دورے کے پہلے مرحلے میں جدہ پہنچیں گے جہاں وہ اعلیٰ سعودی قیادت سے ملاقات کریں گے۔
ان ملاقاتوں کا بنیادی ایجنڈا خطے کی موجودہ کشیدہ صورتحال، تناؤ میں کمی اور مشرقِ وسطیٰ میں مستقل جنگ بندی کے امکانات پر غور کرنا ہے۔
وزیراعظم کے ہمراہ ایک اعلیٰ سطح کا وفد بھی موجود ہے جو مختلف تزویراتی امور پر سعودی حکام سے تبادلہ خیال کرے گا۔
سعودی عرب کے بعد وزیراعظم شہباز شریف ترکیہ روانہ ہوں گے جہاں وہ عالمی سطح کے اہم ’اناطالیہ ڈپلومیسی فورم‘ میں شرکت کریں گے۔
اس فورم کے دوران وہ مختلف ممالک کے سربراہان سے ملاقاتیں کریں گے اور علاقائی و عالمی مسائل پر پاکستان کا نکتہ نظر پیش کریں گے۔
اس دورے کے آخری مرحلے میں وزیراعظم قطر بھی جائیں گے جہاں مزید سفارتی روابط کو فروغ دینے اور خطے میں پائیدار امن کے قیام پر بات چیت ہو گی۔
ان تمام دوروں کا مقصد خطے میں جاری کشیدگی کو کم کرنا اور مذاکرات کے لیے سازگار ماحول پیدا کرنا ہے۔
ان تمام مصروفیات کے باعث اسلام آباد میں ایران اور امریکا کے درمیان مذاکرات کا اگلا مرحلہ آئندہ ایک ہفتے کے دوران متوقع ہے۔
English (US) ·