امریکا بغیر کسی معاہدے کے ایران امن مذاکرات سے نکل گیا

شائع 12 اپريل 2026 08:57am

امریکی نائب صدر جے ڈی وینس نے اتوار کے روز کہا ہے کہ ان کی مذاکراتی ٹیم 21 گھنٹوں تک جاری رہنے والی بات چیت کے بعد ایران کے ساتھ کسی معاہدے تک پہنچنے میں ناکام رہی ہے، جس کے باعث دو ہفتوں پر مشتمل نازک جنگ بندی خطرے میں پڑ گئی ہے۔

صحافیوں سے گفتگو کرتے ہوئے انہوں نے کہا، ”بری خبر یہ ہے کہ ہم کسی معاہدے تک نہیں پہنچ سکے، اور میرے خیال میں یہ خبر ایران کے لیے امریکہ کے مقابلے میں زیادہ بری ہے۔“

انہوں نے مزید کہا، ”ہم بغیر کسی معاہدے کے امریکہ واپس جا رہے ہیں۔ ہم نے اپنے مؤقف اور اپنی سرخ لکیروں کو بالکل واضح کر دیا تھا۔“

یہ پیش رفت ایک ایسے وقت میں سامنے آئی ہے جب خطے میں کشیدگی کم کرنے کے لیے جاری سفارتی کوششیں ایک اہم مرحلے میں داخل ہو چکی تھیں، تاہم معاہدہ نہ ہونے کے باعث جنگ بندی کی صورتحال مزید غیر یقینی ہو گئی ہے۔