حکومت کا پیٹرولیم مصنوعات کے بعد بجلی کی قیمت میں اضافے کا عندیہ

حکومت نے پیٹرولیم مصنوعات کی قیمتوں کے بعد بجلی کی قیمت بھی اضافے کا عندیہ دے دیا۔

وفاقی وزیر برائے توانائی اویس لغاری نے توانائی بحران کے حوالے سے سماجی رابطے کی سائٹ ایکس پر پیغام جاری کیا۔ انہوں نے لکھا کہ توانائی کا بحران صرف تیل نہیں بلکہ گیس اور فرنس ائل پر بھی اثر انداز ہوتا ہے۔

انہوں نے کہا کہ ان امور کی وجہ سے بجلی کی قیمتوں کے اوپر بھی اثر پڑ سکتا ہے۔

اویس لغاری نے کہا کہ  مارکیٹوں کے اوقات میں تبدیلی اور بچت کے دیگر اقدامات پر صوبوں سے مشاورت جاری ہے۔

وزیر توانائی نے لکھا کہ وزیراعظم شہباز شریف کی قیادت میں عوام کو اس بوجھ سے بچانے کی ہر ممکن کوشش کی ہے کرتے رہیں گے، اگر ہم سب توانائی بچائیں گے تو ملک پر دباؤ کم ہوگا اور جلد بہتری آئے گی۔