کراچی، اسکیم 33 میں پولیس مقابلہ، زخمی سمیت 3 ڈاکو گرفتار

کراچی:

شہر قائد میں سچل پولیس نے اسکیم 33 کے علاقے وکیل سوسائٹی میں مبینہ پولیس مقابلے کے دوران زخمی سمیت تین ڈاکوؤں کو گرفتار کر لیا۔

پولیس کے مطابق مقابلے کے دوران ایک ملزم سیف اللہ زخمی ہو گیا، جسے فوری طور پر اسپتال منتقل کیا گیا، جبکہ دیگر دو ملزمان عتیق اور عفان کو گرفتار کر کے تھانے منتقل کر دیا گیا۔

پولیس کا کہنا ہے کہ گرفتار ملزمان کے قبضے سے پستول، موبائل فونز، نقد رقم اور موٹرسائیکل برآمد کی گئی ہے۔