کراچی؛ سفاک شوہر نے بیوی اور اپنے دو بچوں کو گھر میں فائرنگ کرکے قتل کر دیا

کراچی:

بلدیہ ٹاؤن کے علاقے میں واقع گھر میں سفاک شوہر نے فائرنگ کرکے بیوی اور اپنے دو بچوں کو موت کے گھاٹ اتار دیا۔

پولیس کے مطابق شوہر نے اپنی بیوی اور دو بچوں کو فائرنگ کرکے قتل کیا، ملزم شوہر موقع سے فرار ہوگیا۔

پولیس حکام کا کہنا ہے کہ ملزم کی گرفتاری کے لیے کوششیں جاری ہیں، تحقیقات کرکے قتل کی وجہ جلد سامنے لائی جائے گی۔