امریکی سفارتخانہ: بغداد میں 24 سے 48 گھنٹوں میں ممکنہ ملیشیائی حملے متوقع

شائع 02 اپريل 2026 11:48am

امریکا نے عراق میں شہریوں کو خبردار کیا ہے کہ ایران سے منسلک ملیشیائی گروپس آئندہ 24 سے 48 گھنٹوں میں بغداد کے مرکزی علاقے میں حملے کر سکتے ہیں، جس کے لیے امریکی شہریوں کو ملک چھوڑنے کی ہدایت دی گئی ہے۔

امریکی سفارتخانے کی جاری کردہ وارننگ کے مطابق ممکنہ حملوں کے اہداف میں امریکی شہری، کاروباری ادارے، یونیورسٹیاں، سفارتی مراکز، توانائی کے انفراسٹرکچر، ہوٹلز، ہوائی اڈے اور دیگر مقامات شامل ہیں جو امریکہ یا امریکی مفادات سے وابستہ سمجھے جاتے ہیں۔ اس کے علاوہ عراق کی سرکاری ادارے اور عام شہری بھی خطرے میں ہو سکتے ہیں۔

سفارتخانے نے مزید کہا کہ ملیشیائی گروپس نے ماضی میں امریکی شہریوں کو اغوا کرنے کے واقعات بھی انجام دیے ہیں، اور بغداد میں دو روز قبل ایک امریکی صحافی کے اغوا کی اطلاعات کے بعد خطرے میں اضافہ ہوا ہے۔

امریکی شہریوں کو فوری طور پر عراق چھوڑنے کی ہدایت کی گئی ہے تاکہ کسی بھی ممکنہ حملے سے بچا جا سکے۔